Vaqueiro afirma que as palabras de Louzán confirman a traición dos independentes ós seus votantes

O Voceiro do Grupo Municipal Socialista afirmou hoxe que as palabras de Rafael Louzán sobre a “carta blanca a Nelson Santos para facer a lista do PP”, confirman a traición de CxP e IdeP ós seus votantes.


O Voceiro Socialista do Porriño, Iván Vaqueiro, afirmou hoxe tras escoitar as palabras de Rafael Louzán sobre a integración de PP, CxP e IdeP con Nelson como candidato, amosan novamente que no PP, as listas se fan a dedo, e sobre todo, representa unha traición ós votantes dos partidos CxP e IdeP, que ven como os seus líderes aproveitaron os partidos independentes como “chiringuitos políticos para acceder ó PP”

O caso máis claro, segundo Vaqueiro, é o de Nelson Santos, que en 4 anos, pasará por tres formacións distintas, primeiro IdeP, logo CxP e agora, coa integración, no PP. O socialista calificou este movemento como o mellor exemplo de que para Santos “non existe nin a coherencia nin o respeto polos seus votantes, e que só lle interesa o poder. Aquela frase de Santos de “los votos de Ciudadanos sólo irán para Ciudadanos” amosaron ser a maior mentira da lexislatura”.

“Os votantes de Ciudadanos ou de Indepentendes poden ver como os seus líderes, se venden ó PP sen ningunha vergoña, e non sabemos por qué razóns ou intereses, afirmou Vaqueiro”

Para o secretario xeral e portavoz socialista, os porriñeses son testigos dun pacto “a la siciliana” entre tres partidos que se abominaban durante toda a lexislatura, e que xa amosan estar máis preocupados polas listas que pola xestión municipal, en referencia ás críticas que Marcelino Coto verteu na prensa fai unhas semanas sobre a necesidade de non ser “egoistas” na elaboración das listas.

Para Vaqueiro, as palabras de Louzán non son máis que o intento de que os votantes de PP e IdeP acepten a Santos como lider ante as crecentes disputas internas no Concello, o que cada vez é máis palpable na xestión diaria do goberno, ó tempo que decapitan ó actual portavoz Manuel Carrera sen ningunha compaixón.

“Nin democracia, nin coherencia, nin proxecto nin respeto polos votantes, só ansia polo poder, eso é o que veu a afirmar Rafael Louzán con estas declaracións de apoio a Santos”.

O PSOE acusa o goberno local de mentir nos Orzamentos e de retrasalos conscentemente, debido a la inexistencia de un proyecto real para Porriño.

A secretaria de política municipal socialista do Porriño, Eva García de la Torre, lamentou os retrasos continuos do goberno local na presentación dos orzamentos do Porriño e acusou ó alcalde de mentir á cidadanía tras os repetidos incumprimentos dos anuncios de presentación dos mesmos.

Eva García de la Torre, secretaria de Política Municipal do PSdeG-PSOE do Porriño, compareceu hoxe para valorar os continuos incumprimentos do goberno local nos seus anuncios de presentación dos orzamentos do Porriño. García de la Torre, afirmou que xa ó coñecer o contido do pleno da Corporación Municipal celebrado o pasado mes de Novembro, comprobamos que “vistos os puntos recollidos na orde do día do mesmo, amosamos a nosa preocupacion porque o goberno local seguise retrasando os orzamentos para o ano 2011. Descartados polo alcalde os orzamentos do 2010, vemos que o Orzamento do 2011 vai polo mesmo camiño.”

“A falta de orzamentos é a confirmación de que este goberno, non pode ou non quere gobernar pensando nos porriñeses. E unha auténtica irresponsabilidade deixar a Porriño sen orzamentos tendo maioría de goberno e mais si temos en conta que os orzamentos supón que os partidos que se repartiron o poder no mes de febreiro, terían por fín que retratarse e amosar qué e o que queren facer polos Porriñeses, en definitiva, cal e o seu programa para Porriño.

Visto o feito hasta agora, parecería que o único punto do programa de Goberno do noso Alcalde sexa ir polas festas abrazando os veciños.

García de la Torre anunciou unha moción do grupo municipal socialista neste senso, e reiterou que “non podemos seguir agardando a un goberno que non fai os deberes, e esixiremos no vindeiro pleno, cando menos, un borrador sobre o que traballar”

A secretaria socialista, referiuse tamén á situación de execución das obras do Plan E, que adiantou, “segundo as nosas informacións, non estarán executadas no 2010 como esixe o Ministerio. Unha mostra máis da incapacidade deste goberno para facer as cousas ben”